दशरथ रङ्गशालामा आयोजित एक विशेष समारोहकाबिच प्रधानमन्त्री केपी शर्मा ओलीले शुक्रबार उक्त कार्यक्रमको औपचारिक उद्घाटन गरे ।
उद्घाटन समारोहमा प्रधानमन्त्री ओलीले फुटबलजस्ता खेलकुद कार्यक्रमले बालबालिकाको शारीरिक तन्दुरुस्ती मात्र होइन, उनीहरूको सामाजिक र नैतिक विकासमा समेत सकारात्मक भूमिका खेल्ने बताए । उनले विद्यालय शिक्षामा खेलको समावेश अत्यावश्यक भएको उल्लेख गर्दै यस्तो कार्यक्रमलाई दीर्घकालीन रूपमा विस्तार गर्न सरकार प्रतिबद्ध रहेको बताए ।
दशरथ रङ्गशालामा आयोजित एक विशेष समारोहकाबिच प्रधानमन्त्री केपी शर्मा ओलीले शुक्रबार उक्त कार्यक्रमको औपचारिक उद्घाटन गरे ।
उद्घाटन समारोहमा प्रधानमन्त्री ओलीले फुटबलजस्ता खेलकुद कार्यक्रमले बालबालिकाको शारीरिक तन्दुरुस्ती मात्र होइन, उनीहरूको सामाजिक र नैतिक विकासमा समेत सकारात्मक भूमिका खेल्ने बताए । उनले विद्यालय शिक्षामा खेलको समावेश अत्यावश्यक भएको उल्लेख गर्दै यस्तो कार्यक्रमलाई दीर्घकालीन रूपमा विस्तार गर्न सरकार प्रतिबद्ध रहेको बताए ।
अखिल नेपाल फुटबल सङ्घ (एन्फा) को समन्वयमा तथा शिक्षा, विज्ञान तथा प्रविधि मन्त्रालय र युवा तथा खेलकुद मन्त्रालयको सहकार्यमा सुरु गरिएको उक्त कार्यक्रम विश्व फुटबल महासङ्घ (फिफा) र युनेस्कोको साझेदारीमा सञ्चालित हो ।
कार्यक्रमले बालबालिकाको शिक्षा, विकास र सशक्तीकरणमा योगदान पुर्याउने लक्ष्य लिएको छ। विद्यालय तहका विद्यार्थीहरूलाई शारीरिक, मानसिक, सामाजिक र नैतिक रूपमा सक्षम बनाउने उद्देश्यसहित कार्यक्रम अघि बढाइएको एन्फाले जनाएको छ ।
कार्यक्रमअन्तर्गत विद्यालयहरूमा फुटबल सामग्री वितरण, प्रशिक्षक तथा शिक्षकलाई तालिम, साथै फुटबललाई शिक्षणको माध्यमको रूपमा प्रयोग गरिनेछ। जीवनोपयोगी सीपहरू सिकाइनेछ ।
देशभरका ७७ वटै जिल्लाका १ हजार ७२ विद्यालयमा कार्यान्वयन गरिने यो कार्यक्रम सबै वर्ग, जाति, लिङ्ग र भूगोलका बालबालिकालाई लक्षित गरी समावेशी र पहुँचयोग्य बनाइएको छ ।
