नेपालगञ्ज : डा. श्यामाप्रसाद मुखर्जी राष्ट्रिय विचार मञ्चले भारतको राजधानी नयाँ दिल्लीमा हिन्दू रत्न सम्मान समारोह आयोजना गर्ने भएको छ । आरएसएस शताब्दी वर्षमा, डा. श्यामाप्रसाद मुखर्जी राष्ट्रिय विचार मञ्चले नयाँ दिल्लीको भारत मण्डपममा १२ औं राष्ट्रिय सम्मेलन र प्रतिष्ठित हिन्दू रत्न सम्मान समारोह आयोजना गर्ने भएको हो ।
सार्क जर्नालिष्ठ फोरमका अन्तराष्ट्रिय अध्यक्ष राजु लामालगायतका व्यक्तिहरू हिन्दूरत्न सम्मानबाट सम्मानित हुँदै यो कार्यक्रम मंसिर ७ गते ( २३ नोभेम्बर २०२५) आइतबार बिहान ११ः०० बजेदेखि साँझ ६ः०० बजेसम्म सञ्चालन हुने बताईएको छ । संस्थापक राष्ट्रिय अध्यक्ष बाबुजी सुशील कुमार सरावगी जिन्दलबाट प्रेरित यो समारोह सेवा, संस्कृति र नेतृत्वको एक ऐतिहासिक उत्सव हुने दाबी गरिएको छ ।
राष्ट्रिय अध्यक्ष विजय कुमार शुक्ला र राष्ट्रिय इन्चार्ज राहुल गोयलको नेतृत्वमा यो कार्यक्रम भारतका राष्ट्रिय प्रतीकहरूको जीवन्त संगम हुदै आएको छ ।हिन्दू रत्न सम्मान २०२५ ले मुख्यमन्त्री, सन्त, आध्यात्मिक नेता, उद्योगपति, लेखक, पत्रकार र सामाजिक कार्यकर्ता लगायत विभिन्न क्षेत्रका ६० प्रतिष्ठित व्यक्तित्वहरूलाई सम्मान गर्ने कार्यक्रम तय भएको आयोजकले जनाएको छ । यी व्यक्तिहरूलाई राष्ट्र, समाज र सनातन धर्ममा असाधारण योगदान पु¥याएकोमा मान्यता दिइएको छ । उल्लेखनीय पुरस्कार प्राप्त गर्नेहरूमा योगी आदित्यनाथ (उत्तर प्रदेश), स्वामी रामदेव (पतंजली योगपीठ), डा. कुमार विश्वास (कवि), सुभाष चन्द्र (जी टिभी), डा. परविन्दर सिंह र मुकेश अम्बानी (रिलायन्स) सार्क जर्नालिष्ठ फोरमका अन्तराष्ट्रिय अध्यक्ष राजु लामालगायतका व्यक्तिहरू समावेश रहेको आयोजकले जनाएको छ ।
पुरस्कार विजेताहरूले भारतीय समाजलाई सुदृढ पार्ने र राष्ट्र निर्माणलाई बढावा दिने उनीहरूको अटल समर्पणको लागि, भारतको सांस्कृतिक पुनर्जागरण र हिन्दू समाजको अटुट एकताको पुनः पुष्टिकरणको लागि दिएको योगदानको कदर गर्दै प्रदान गरिएको बताईएको छ ।
राष्ट्रिय प्रभारी राहुल गोयलले भनेझैं, यो कार्यक्रम राष्ट्रवाद, शान्ति र सांस्कृतिक एकताको आदर्शलाई कायम राख्नको लागि गरिएको आह्वान हो । आरएसएस शताब्दी समारोहको एक हिस्सा, यो भव्य कार्यक्रम भारतको समृद्ध सम्पदा र यसको भविष्यलाई चलाउने सामूहिक भावनाको सम्झना गराउने विश्वास गरिएको छ ।
